Toshkentda Takeshi Kitano bilan ijodiy uchrashuv o‘tkazildi

Bugun Toshkent xalqaro kinofestivali doirasida “Kinochilar uyi”da taniqli yaponiyalik kinorejissyor va aktyor Takeshi Kitano bilan ijodiy uchrashuv bo‘lib o‘tdi, deb xabar berdi Sputnik muxbiri.

“Hozirda ko‘pchilik kichik ekranlarda kinofilm ko‘rishga o‘rganib qoldi. Netflix, Youtube, Google va boshqa platformalar orqali ko‘rishadi. Biroq kinokartinalarni katta zaldagi ekranlarda, kinoteatrlarda tomosha qilish lozim. Ana shunda uning effekti va ta’siri boshqacha bo‘ladi”, deydi Takeshi Kitano.

Yaponiyalik kinorejissyor hozirgi zamonaviy yoshlarning ijodi hali mahorat darajasida emasligini, ko‘p o‘qib, izlanishlari lozimligi haqida ham so‘zladi.