Tojikistonda Ramazonning tugash sanasi e’lon qilindi

Tojikistonda Ramazon oyining tugash sanasi rasman e’lon qilindi. Tojikiston Islom markazi Ulamolar Kengashi matbuot kotibi Afshin Muqimning so‘zlariga ko‘ra, Ramazon hayitini nishonlash kelasi payshanba - 13 may kuni bo‘lib o‘tadi.

30 kunlik ro‘zaning tugashiga bag‘ishlangan bayram namozi soat 6:00da Tojikistonning shahar va viloyatlaridagi barcha masjidlarda o‘qiladi. Bundan tashqari, Kengash barcha musulmonlarga zakotlarini tojik-qirg‘iz chegarasidagi mojarodan keyin vayron qilingan uylarni tiklash uchun yuborishni tavsiya qilgan.