Surxondaryoda avtofalokat: bir kishi jabrlandi

Surxondaryo viloyatining Termiz shahrida 16 yanvar kuni Termiz tumanida yashovchi B.G‘. o‘ziga biriktirilgan KamAZ rusumli yuk avtomashinasini O‘zbekiston mahallasi Madaniyat ko‘chasida haydab ketayotganida qarama-qarshi yo‘nalishda harakatlanib kelayotgan yengil avtomashina bilan to‘qnashuv sodir etgan.

O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasining yozishicha, natijada yengil avtomashina haydovchisi jarohat olib kasalxonaga yotqizilgan. Surishtiruv ishlari olib borilmoqda.