Ronaldu Portugaliya muxlislariga murojaat qildi

Krishtianu Ronaldu Yevro-2024ni tark etganidan keyin muxlislarga murojaat qildi.

Portugaliya milliy jamoasi chorakfinalda Fransiyaga imkoniyatni boy berdi (0:0, pen — 3:5).

«Biz ko‘proq narsani xohlagandik. Bundan yaxshisiga loyiq edik. O‘zimiz uchun. Har biringiz uchun. Portugaliya uchun.

Bizga bergan barcha narsalaringiz uchun minnatdormiz. Ishonchim komilki, maydonda ham, uning tashqarisida ham bu meros sharaflanadi va jamoa qurilishi davom etadi. Birgalikda», — deb yozdi Ronaldu «Instagram»dagi sahifasida.