«Real» yulduzi aql-bovar qilmaydigan taklifni rad etdi

Ismi oshkor etilmagan Saudiya klubi «Real» hujumchisi Vinisius Juniorga «aql bovar qilmaydigan» taklif bilan chiqdi, biroq u rad javobini berdi, deya xabar beradi jurnalist Mario Kortejana. Potensial xaridorlar yaqin orada braziliyalikni yana ishontirishga harakat qilishlari kutilmoqda, biroq futbolchi ketish niyatida emas. U «Qirollik klubi»da baxtli va «Oltin to‘p»ni qo‘lga kiritish orzusini amalga oshirish niyatida.

"Transfermarkt" portali ekspertlari Vinisius Juniorning narxini 180 million yevroga baholamoqda. 24 yoshli hujumchining «Real» bilan amaldagi shartnomasi 2027 yilning o‘rtalariga qadar tuzilgan.