Namangan viloyati O‘rmon xo‘jaligi boshqarmasiga boshliq tayinlandi

Tayinlov

O‘zbekiston Respublikasi ekologiya, atrof-muhitni muhofaza qilish va iqlim o‘zgarishi vazirining buyrug‘iga ko‘ra, Bekzod Ismoilovich Hamdamov Namangan viloyati O‘rmon xo‘jaligi boshqarmasi boshlig‘i etib tayinlandi.

Bekzod Hamdamov 1979 yili Namangan viloyati Mingbuloq tumanida tug‘ilgan. 2001 yilda Namangan muhandislik-iqtisodiyot instituti, 2008 yilda esa Soliq akademiyasini tamomlagan. Mutaxassisligi iqtisodchi.

Tayinlovga qadar, ya’ni 2020 yil iyul oyidan 2024 yil 19 fevraligacha Chust tumani hokimi lavozimida faoliyat yuritgan.