Qon bosimini tekshiruvchi lekoplastir yaratildi
Kaliforniya universiteti tadqiqotchilari tomonidan qon bosimini monitoring qiladigan lekoplastir ishlab chiqildi.
"Turon24.uz" nashrining xabar berishicha, uning ishlash prinsipi ultratovush tekshiruvining ishlashiga o‘xshaydi. Yani lekoplastir ichida ultratovush chiqaruvchi va qayd qilish imkoniyatiga ega elektronikalar bor. U teri ostidagi arterial qon bosimini, yurak-qon tomir muammolarini avvaldan aniqlashda ko‘mak beradi.
Ultratovushli lekoplastir oyoq, bo‘yin va bilak qismiga yopishtirilgan holda sinovdan o‘tkazildi. Shuningdek, inson harakatda bo‘lgan hamda harakatsiz holatida tekshirildi. Natija shuni ko‘rsatdiki, lekoplastir aniqlagan qon bosimi tonometr aniqlagan qon bosimidan ko‘ra aniq.
Lekoplastir orqali yurak va o‘pka kasalliklari bilan og‘rigan bemorlarni, shuningdek, jarrohlik amaliyotida bo‘lgan bemorlarning qon bosimidagi o‘zgarishlarni nazorat qilishda foydalanish mumkin.
