Isroil Livan bilan chegarada urushning yangi bosqichini e’lon qildi

Isroil «harbiy harakatlar og‘irlik markazini» shimolga, Livan bilan chegaraga o‘tkazmoqda. Bu haqda Isroil mudofaa vaziri Yoav Gallant ma’lum qildi.

“Biz kuchlar, resurslar va energiyani shimolga yo‘naltirmoqdamiz. Men ishonamanki, biz bu urushning yangi bosqichi yoqasida turibmiz va biz moslashishimiz kerak, - dedi Gallant.

Vazirning so‘zlariga ko‘ra, Isroilning shimoldagi urushdagi maqsadlari «aniq va oddiy»: «shimoldagi shaharlar aholisini o‘z uylariga eson-omon qaytarish». «Biz garovga olinganlarni va janubdagi vazifalarimizni unutganimiz yo‘q. Bu bizning burchimiz va biz uni bir vaqtning o‘zida bajaramiz», - dedi Gallant.

Isroil matbuoti avvalroq Hizbulloh terrorchilarining peyjerlarining kechagi portlashlaridan so‘ng Isroil mudofaa kuchlari brigadalardan birini G‘azodan Livan bilan chegaraga o‘tkazgani haqida avval xabar bergan edi.