Moskva: Livandagi kiberhujum terrorizm aktidir
Rossiya Livandagi ommaviy kiberhujumni keskin qoraladi, natijada peyjer portlashlari sodir bo‘ldi. Rossiya Tashqi ishlar vazirligi matbuot kotibi Mariya Zaxarova voqeani terrorizm va gibrid urush sifatida baholadi.
Rossiya TIV ma’lumotlariga ko‘ra, terakt oqibatida 11 kishi halok bo‘lgan, 3 mingdan ortiq kishi jarohatlangan, ulardan 400 ga yaqinining ahvoli og‘ir. «Livan-Isroil chegarasida keskinlik kuchayishi fonida bunday mas’uliyatsiz harakatlar o‘ta xavfli oqibatlarga olib keladi, chunki ular keskinlikning yangi bosqichiga sabab bo‘ladi», dedi Zaxarova.
Voqea 17 sentyabr kuni, Hizbulloh a’zolariga tegishli peyjerlar butun Livan bo‘ylab ommaviy ravishda portlashni boshlagan paytda yuz berdi. Al-Hadath telekanaliga ko‘ra, portlashlar tufayli tashkilotning 500 ga yaqin a’zosi ko‘rish qobiliyatini yo‘qotgan.
2023 yil oktabr oyi boshida Rossiya rahbari Isroilning G‘azo sektorini gumanitar qamal qilishini 1941-1944 yillarda fashistlarning Leningrad blokadasiga qiyoslagan edi.
