Maradona o‘limining asl sababi ma’lum bo‘ldi

Argentina terma jamoasining sobiq futbolchisi va murabbiyi Diyego Maradona tekshiruvining dastlabki natijalari ma’lum bo‘ldi: uning o‘limiga o‘pkadagi shish va o‘tkir yurak yetishmovchiligi sabab bo‘lgan. Bu haqda Infobae.com portali xabar bermoqda.

Ushbu xulosa tekshiruvdan so‘ng tuzilgan hisobotda keltirilgan.

Avvalroq, Maradonaning advokati futbolchi yurak xurujidan vafot etganini aytgandi. 

Maradonaning o‘limi 25 noyabrda ma’lum bo‘ldi. Ma’lumotni uning advokati tasdiqladi va voqea haqida birinchi bo‘lib argentinalik jurnalistlar xabar berishdi.