Janubiy Koreya rasmiylari Shimoliy Koreyadan uchirilgan 260 ta axlat sharlarini sanab chiqdi

Koreya Respublikasi rasmiylari 5 sentyabr oqshomidan 6 sentyabrga qadar KXDR hududidan uchirilgan 260 ga yaqin axlat sharlarini hisoblab chiqdi.

Bu haqda Yonhap agentligi harbiylarga tayanib xabar berdi.

Seul va Kyonnggi provinsiyasining poytaxt atrofidagi hududlarida 140 ga yaqin havo sharlari topilgan. Qoplarda chiqindi qog‘oz va plastik butilkalar bo‘lgan.

4 sentyabrdan buyon uch marta chiqindi sharlari uchirildi. Birinchi marta - 4 sentyabr kuni - rasmiylar 420 ga yaqin, 5 sentyabr kuni ertalab - 60 ga yaqin sharlarni hisobladilar.