Iqtisodiy tadqiqotlar va islohotlar markazi ekspertlari O‘zbekiston avtomobil bozorining aprel oyi yakunlarini sarhisob qildi

Aprel oyi yakunlariga ko‘ra, mamlakatda avtotransport vositalarining umumiy savdosi 19%ga kamayib, 88,3 mingta avtomobilni tashkil etdi.

⏺Engil avtomobillarning birlamchi bozorida pasayish dinamikasi kuzatilmoqda. Biroq, aprel oyida ushbu segmentning pasayishi sekinlashdi, oy davomida sotuvlar mart oyidagi 17%ga nisbatan 10%ga pasayish bilan deyarli 20 mingta avtomobilni tashkil etdi.

⏺Engil avtomobillar ikkilamchi bozori 21,2%ga qisqardi. Aprel oyida ro‘yxatga olingan avtomobillar soni qariyb 59 mingtani tashkil etdi.

⏺Xorijiy yengil avtomobillar bozori 15,3%ga kamaydi. Aprel oyida jami 2 mingta xorijiy avtomobil sotilgan.

⏺Elektromobillar bozori aprel oyida yuqori savdo ko‘rsatkichlarini namoyish qildi. Aprel oyida yengil elektromobillar sotuvi 2,9 mingtani tashkil etdi, bu mart oyidagi ko‘rsatkichga nisbatan 23,2%ga ko‘proq.