Shri-Lanka rasmiylari musulmonlardan uzr so‘radi
![Shri-Lanka rasmiylari musulmonlardan uzr so‘radi Shri-Lanka rasmiylari musulmonlardan uzr so‘radi](/photos/news/x13HQVmmqaUU6f3.jpeg)
23 iyul kuni Shri-Lanka hukumati pandemiya davrida COVID-19 qurbonlarini majburiy yondirilgani uchun oroldagi musulmon ozchilikdan rasmiy uzr so‘radi. Bu qaror JSSTning islomiy dafn qilish xavfsizligi haqidagi kafolatlariga qaramay qabul qilingandi.
Hukumat bayonotida aytilishicha, yangi qonun musulmonlar yoki boshqa jamoalarning dafn marosim qoidalari kelajakda buzilmasligi uchun dafn etish huquqini kafolatlaydi.
Shri-Lanka musulmonlari kechirimni mamnuniyat bilan qabul qilishdi, biroq ularning butun jamoasi, ya’ni orolning 22 million aholisining taxminan 10 foizining voqeadan hanuz qalbidagi jarohati bitmaganini aytdi.
«Endi biz hukumatning majburiy kremasiya siyosati ortida turgan ikki akademik - Mettika Vithanage va Channa Jayasumanaga nisbatan qonuniy choralar ko‘ramiz. Biz tovon pulini ham talab qilamiz», dedi Shri-Lanka musulmonlar kengashi matbuot kotibi Hilmi Ahamed.