Hindistonda yomg‘ir, ko‘chki va chaqmoq urishi tufayli olti kishi hayotdan ko‘z yumdi
![Hindistonda yomg‘ir, ko‘chki va chaqmoq urishi tufayli olti kishi hayotdan ko‘z yumdi Hindistonda yomg‘ir, ko‘chki va chaqmoq urishi tufayli olti kishi hayotdan ko‘z yumdi](/photos/news/siIryHLtc25llEf.jpeg)
Hindiston g‘arbidagi Maxarashtra shtatida so‘nggi 24 soat ichida musson yomg‘iri, ko‘chki va yashin urishi oqibatida kamida olti kishi halok bo‘ldi, 12 kishi jarohat oldi.
May oyi oxirida musson mavsumi boshlanganidan beri shtatda 90 nafar aholi halok bo‘ldi.
So‘nggi 24 soat ichida Maxarashtraning turli qismlarida 200 millimetrdan ortiq yog‘ingarchilik kuzatildi. Bir qator hududlarda suv toshqini tufayli 80 ta poyezd va 200 ta shaharlararo avtobus qatnovi to‘xtatildi. Puna va Txana shaharlarida maktab va kollejlar yopildi.
Hindiston meteorologiya departamenti shtat markazi Mumbay uchun qizil darajadagi ogohlantirish e’lon qildi. Shahar aholisiga zarurat bo‘lmasa, uylarini tark etmaslik tavsiya etildi, deb xabar beradi tass.ru.