Hindistonda koronavirus bilan kasallanganlar soni keskin oshdi

So‘nggi bir kunda Hindistonda 15,900 dan ortiq odam koronavirusni yuqtirgan, deya xabar berdi Xabar24. 

Mamlakatdagi bemorlarning umumiy soni 474 mingdan oshdi. 14907 kishi virusdan vafot etgan bo‘lsa, 272 mingga yaqin kishi virusni yenggan.

Aytishlaricha, mamlakatdagi bemorlarning uchdan bir qismi Maxarashtra shahridan. Dehli va Tamilnadu shtatida epidemiologik ahvol ham qoniqarli emas.

Mahalliy hokimiyatlarning hisob-kitoblariga ko‘ra, faqat Dehlida iyul oyi oxiriga kelib bemorlarning soni 550 ming kishidan oshishi mumkin.