Hamyurtimiz Yevropa ochiq chempionatida kumush medalni qo‘lga kiritdi

Avval xabar berganimizdek, shu kunlarda Angliyaning Manchester shahrida para tayekvondo bo‘yicha Yevropa ochiq chempionati bo‘lib o‘tmoqda.

Erkaklar o‘rtasida -80 kg vazn toifasida Turkiya, Serbiya va Buyuk Britaniya vakillariga qarshi bahs olib borgan hamyurtimiz Asadbek Toshtemirov yakunda delegasiyamiz hisobiga kumush medalni qo‘shib qo‘ydi.

Qayd etish lozimki, vakilimiz ushbu natijadan so‘ng, Parij-2024 yozgi Paralimpiya o‘yinlari uchun 15 reyting ochkosiga ega bo‘ldi.

Eslatib o‘tamiz, kecha ayollar o‘rtasida Guljanoy Naimova oltin medalni qo‘lga kiritgan edi.