Germaniyada ikki poyezdning to‘qnashuvi oqibatida 13 kishi jabrlandi
Germaniya g‘arbida yo‘lovchi poyezdi stasionar yuk poyezdi bilan to‘qnashib ketishi oqibatida 13 kishi jabrlandi.
Bu haqda Spiegel jurnali huquq-tartibot idoralariga tayanib xabar berdi.
"Ksanten va Duysburg shaharlari o‘rtasidagi temir yo‘lda sodir bo‘lgan voqeada 13 kishi jarohat oldi, ulardan 3 nafari og‘ir tan jarohati oldi", — dedi polisiya.
Ta’kidlanishicha, to‘qnashuv mahalliy vaqt bilan ertalab soat 7:30 da sodir bo‘lgan. 30 kishini olib ketayotgan poyezd yaqin atrofdagi yo‘lga chiqib, u yerda turgan yuk poyezdining lokomotivi bilan to‘qnashib ketgan. Qayd etilishicha, ikkala poyezd ham relsdan chiqib ketmagan.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)
