Eron: "Isroil qurollarini bir chetga qo‘ysagina tinchiymiz. HAMAS yetakchisi o‘ldirilganiga esa, albatta, javob beramiz"
Eron prezidenti Ma’sud Pezeshkianning aytishicha, Eron mintaqaviy urush yoki Yaqin Sharqni beqarorlashtirishdan manfaatdor emas, chunki bunday urush qaytarilmas oqibatlarga olib keladi. Eron tinch yashashni istaydi.
Pezeshkian G‘arb matbuotiga bergan intervyusida, agar Isroil ham shunday qilsa, Eron o‘z qurollarini bir chetga qo‘yishga tayyorligini aytdi. Ko‘pgina sharhlovchilar bu iboraga e’tibor qaratib, buni Eronning taranglikni yumshatish istagining belgisi sifatida qabul qilishdi. Ammo Pezeshkianning aytishicha, G‘arb Isroilni qurol-yarog‘ bilan ta’minlagan, Eron esa qo‘l qovushtirib o‘tirmaydi. Ya’ni u G‘arb davlatlari Isroilni qurol bilan ta’minlashni to‘xtatishi kerak, shunda tinchlik kelishiga shama qilgan edi.
Shuningdek, u "Hizbulloh" yolg‘iz tura olmasligini, shuning uchun Eron o‘zini ham, o‘zini himoya qilishga qonuniy huquqiga ega bo‘lgan boshqa tuzilmalarni ham himoya qilishga tayyorligini qo‘shimcha qildi. Prezidentning aytishicha, "Hizbulloh" falastinliklarni himoya qilish uchun Isroilga raketalarni juda kam otadi.
Shu bilan birga, Pezeshkian yana bir bor ta’kidladiki, Eron HAMAS yetakchisi Ismoil Haniyaning yo‘q qilinishiga albatta javob beradi, lekin o‘z vaqtida va kerakli joyda.
Umuman olganda, Eron prezidenti Isroilga qarshi rasmiy kursga amal qilishda davom etmoqda va G‘arbdan Isroilni qo‘llab-quvvatlashni to‘xtatishni talab qilmoqda, agar ular G‘arb davlatlari Eron bilan har qanday masalada kelishmoqchi bo‘lsa.
