Gavay orollarida navbatdagi «Lava» portlashi yuz berdi. 12 kishi jarohatlandi…

Gavay orollari boyvachchalar dam olib qaytishi uchun dunyodagi eng go‘zal va qulay maskanlardan biri edi. Hozir esa bu yerda «Kilauea» vulqoni uyg‘onib, dam olish tugul, orolga yaqinlashish ham amri mahol bo‘lib qoldi.

So‘nggi xabarlarga qaraganda, kuni kecha vulqondan otilib chiqqan «lava», ya’ni, qaynoq temir, tosh va shu kabi moddalar aralashmasidan iborat suyuqlik portlagan. O‘sha lahzada portlash yuz bergan joy yaqinidan o‘nlab fuqarolar o‘tirgan qayiq o‘tib borayotgandi. Qayiqdagilar portlash kasriga qolishdi. Jami 12 kishi turli darajada jarohat oldi. Ularning uch nafari o‘ta og‘ir ahvolda ekani haqida ma’lumot tarqatilgan.