Dronlar Rossiya hududlari va Qrimga hujum qildi

16 mayga o‘tar kechasi Rossiyaning to‘rtta viloyatida dronlar, reaktiv snaryadlar va raketalar urib tushirildi. Bundan tashqari, dronlar va raketalar Qrimga hujum qildi, dedi Rossiya Mudofaa vazirligi.

Rossiya mudofaa vazirligi ma’lumotlariga ko‘ra, Belgorod viloyati osmonida ikkita "Olxa" reaktiv snaryadi, bitta «Tochka-U» taktik raketasi va bitta dron urib tushirilgan.

Belgorod viloyati gubernatori Vyacheslav Gladkov yarim tunda Shebekino shahri o‘qqa tutilganini ma’lum qildi. Dastlabki ma’lumotlarga ko‘ra, ikki kishi jarohatlangan. Sakkizta xususiy turar-joy binosi va bir nechta avtomobil shikastlangan.

Yana oltita dron Qrimga hujum qildi. Rossiya Mudofaa vazirligi ma’lumotlariga ko‘ra, ulardan to‘rttasi yo‘q qilingan, ikkitasi ushlangan. Bundan bir kecha oldin Ukrainadan uchirilgan beshta ATACMS raketasi yarim orol uzra urib tushirilgan, deya ta’kidlaydi departament.

Bundan tashqari, Rossiya Mudofaa vazirligining ta’kidlashicha, Tula viloyatida ikkita, Bryansk va Kaluga viloyatlarida bittadan uchuvchisiz uchoq urib tushirilgan.