Ertaga ayrim viloyatlarda qor va yomg‘ir yog‘adi
O‘zbekistonda qish kunlari o‘tib boryapti. Ob-havodan qish ekani sezilmayapti. Kunlar quyoshli va nisbatan iliq bo‘lib turibdi.
Gidrometeorologiya xizmati markazi bergan ma’lumotga ko‘ra, ertaga, 7 yanvar kuni mamlakat bo‘ylab quyidagicha ob-havo kuzatiladi.
Toshkent shahri va Toshkent viloyatida havo harorati kechasi -2...0, kunduzi +10...+12 daraja bo‘ladi. Shamol tezligi 7-12 m/sga yetib, yomg‘ir yog‘adi.
Farg‘ona vodiysida havo harorati kechasi -3...+2, kunduzi +4...+9 daraja bo‘lishi kutilmoqda. 5-10 m/s tezlikda shamol esib, tuman tushadi.
Sirdaryo, Jizzax va Samarqand viloyatlarida havo harorati kechasi -3...+2, kunduzi +10...+15 daraja bo‘ladi. Shamol tezligi 7-12 m/sga yetib, yomg‘ir yog‘ishi kutiladi.
Buxoro va Navoiy viloyatlarida yomg‘ir yog‘ib, havo harorati kechasi -3...+2, kunduzi +10...+15 daraja bo‘ladi. 12-17 m/s tezlikda shamol esadi.
Surxondaryo va Qshqardaryo viloyatlarida havo harorati kechasi 0...+5, kunduzi +10...+15 darajagacha ko‘tariladi. Shamol tezligi 5-10 m/sga yetib, yomg‘ir yog‘adi.
Qoraqalpog‘iston Respublikasi va Xorazm viloyatida havo harorati kechasi -3...-2, kunduzi +3...+8 daraja bo‘ladi. Shamol tezligi 5-10 m/sni tashkil etib, qor va yomg‘ir yog‘ishi kutiladi.
Qamchiq dovoni va Chimyonda kechasi -10...-5, kunduzi +3...+8 daraja bo‘ladi. -5-10 m/s tezlikda shamol esib, qor aralash yomg‘ir yog‘adi.
Manba: qalampir. com
