Andijon shahar xalq ta’limi bo‘limi boshlig‘i pora bilan ushlandi
Andijonda fuqaro boshqa fuqaroning xalq ta’limi tizimida ishlovchi tanishlarini attestasiyadan o‘tkazish, 2 nafar tanishini maktab direktori lavozimiga hamda dugonasini maktab direktori o‘rinbosari lavozimiga tayinlash masalasini hal qilib berish uchun $8400 so‘ragan va bu pullarni olgan vaqtida qo‘lga tushgan.
Fuqaro bu pullarning $900 ni Andijon shahar xalq ta’limi bo‘limi boshlig‘iga berishini aytganidan keyin tezkor tadbir davom ettiriladi.
Andijon shahar xalq ta’limi bo‘limi boshlig‘i $900 ni olgan vaqtida ashyoviy dalillar bilan ushlandi.
Unga nisbatan Jinoyat kodeksining 210-moddasi (Pora olish) bilan jinoiy ish qo‘zg‘atildi.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)