Neuralink иккинчи беморнинг мия чипи операциясини кечиктирди
“Neuralink” 2024-йил июн ойи охирида иккинчи беморга мия чипини ўрнатиши керак эди, бироқ беморнинг соғлиғи туфайли операция тўхтатилди. Бу ҳақда “Bloomberg” Барроу неврологик институти бош директори Майкл Лоттонга таяниб ёзмоқда.
Беморнинг соғлиғи билан боғлиқ муаммолар бор эди, бу эса уни экспериментал қурилмани синаб кўриш учун яроқсиз номзодга айлантирди.
Қайд этилишича, операция эҳтимол, 2024-йил июл ойида амалга оширилади. “Neuralink” изоҳ сўровига жавоб бермади.
Май ойида “Neuralink” АҚШ озиқ-овқат ва фармацевтика идорасидан “Телепатия” мия имплантатини иккинчи беморга жойлаштиришга рухсат олганди.
Бироқ, Илон Маскнинг компанияси биринчи бемор билан боғлиқ муаммоларни бартараф этиш мажбуриятини олди.
Қайд этилишича, янги имплант ўта юпқа симларни мияга янада чуқурроқ жойлаштирмоқчи.
Маск 28 январ куни неуралинк имплантациясининг инсон миясига муваффақиятли жойлаштирилгани ҳақида хабар берганди.
Биринчи кўнгилли, 29 ёшли Нолан Арбо, тахминан саккиз йил олдин бахтсиз ҳодиса туфайли фалаж бўлганини ва бу унинг елкасидан пастда ҳеч нарсани сезмаслигини айтди.
