"Манчестер Сити" Украина терма жамоаси дарвозабонини жалб қилмоқчи

Анатолий Трубин Англияга кўчиб ўтиши мумкин.

Англиянинг "Манчестер Сити" клуби Португалиянинг "Бенфика" жамоаси дарвозабони Анатолий Трубинни яқиндан кўриб чиқиш эҳтимоли мавжуд.

Хабар қилинишича, "шаҳарликлар" Саудия Арабистонидан таклиф олган Эдерсон Мораес ўрнига 22 ёшли Трубинни сотиб олиши мумкин. Украиналик посбоннинг товон пули 90 млн фунтни ташкил қилади.

Анатолий Трубин жорий мавсум "Бенфика" таркибида 48 ўйин ўтказиб, ўз дарвозасидан 47 та тўп олиб чиқди, 17 учрашувда эса бирорта гол ўтказиб юбормади.