16 ёшли футболчи Ямал мажбурий ўрта таълимни тугатди

Испания терма жамоаси ва “Барселона”нинг 16 ёшли футболчиси Ламин Ямал мажбурий таълимни тугатди.

2024 йилги Европа чемпионатида иштирок этаётган футболчи масофадан туриб машғулотнинг якуний босқичини ўқиган. Бу ҳақда COPE хабар бермоқда.

Манбага кўра, испаниялик футболчи ўқишни қониқарли баҳолар билан якунлаган. Курсни тугатгандан сонг, Ямал дарҳол онасига қўнғироқ қилди.

Аввалроқ, 16 ёшли ҳужумчи энг ёқтирмайдиган фанлари тарих ва математика эканлигини айтганди.

Эслатиб ўтамиз, Ямал Евро-2024 гуруҳ босқичининг учта ўйинида ҳам иштирок этди. Хорватия билан 1-тур ўйинида (3:0) вингер голли узатмани амалга оширди.

Европа чемпионати 1/8 финалида Испания терма жамоаси Грузия билан учрашади.