Тошкентда кеча сутка давомида ўртача суткалик ҳаво ҳарорати кўп йиллик иқлимий меъёрдан 6 даража юқори бўлган

Бу, аномал кўрсаткич эмас. Ўзгидрометга кўра, кеча суткалик максимум 2001 йил худди шу кун учун энг юқори рекорд хароратдан 0.4°С паст кузатилган. Тунги минимум харорат эса +26.4°С га тенг бўлган.

Келинг, Эрон, Қувайт, Ироқ каби мамлакатларда ўтган беш кунликда вазият билан ҳам таништириб ўтамиз. Эроннинг баъзи кузатув пунктларида жазирама даврида ҳарорат минимумлари +37 даражадан юқори кузатилган. Максимумлар эса +50 даражага яқин. Аммо, уларда бизники каби энергетик тизимда муаммолар узилишлар рўй бермаган.

Жорий тун пойтахтнинг Чилонзор ва Учтепа туманларида ёпппасига электр энергия тармоқдан узилган.

Бу хақида иқтисодчи Отабек Бакиров ёзяпти: "Жорий иссиқ тун пойтахтнинг Учтепа ва Чилонзор туманида электр энергия тармоқдан вақтинча узилган". Натижада кўплаб чилонзор ва учтепаликлар тунги уйқуни дим, гармсел иссиқ ҳаво тафти билан ўтказган (агар буни уйқу деб бўлса).