Бухорога кетаётган афғонистонлик фуқаро поездда юкини йўқотиб қўйди

Бухорога кетаётган афғонистонлик фуқаро поездда юкини йўқотиб қўйди, деб хабар бермоқда ИИВ Транспорт ва туризм объектларида хавфсизликни таъминлаш бошқармаси.

Унга кўра, Самарқанд—Бухоро йўналишидаги Шарқ йўловчи поезди билан Самарқанд шаҳридан Бухоро шаҳрига саёҳат қилиш мақсадида кетаётган, Афғонистон Республикаси фуқароси Хайдарзода Мухаммад Башир ўзига тегишли бўлган қўл юкини йўқотиб қўйгани юзасидан Самарқанд вилояти ТХТБ ходимларига мурожаат қилган.

Ходимлар томонидан олиб борилган тезкор суриштирувлар натижасида, мазкур қўл юки ичида бўлган буюмлари билан топилиб, бутун ҳолда ўз эгасига топширилди.