АҚШ Финляндияда ўз ҳарбий иштирокини кенгайтиради

Финляндия парламенти Америка Қўшма Штатлари билан мудофаа соҳасида ҳамкорлик бўйича келишувни маъқуллади, бу эса АҚШнинг Европа давлатидаги 15 та ҳарбий объектга киришини кўзда тутади.

Парламентнинг ташқи ишлар қўмитаси раиси Киммо Килюненнинг айтишича, келишув Финляндия ташқи сиёсати ва хавфсизлигига кенгроқ таъсир кўрсатади.

«АҚШ билан келишув дастлаб Финляндиянинг НАТО мудофаа иттифоқига кириши билан бир хил асосда тайёрланган. Бу Финляндия ва Финлар хавфсизлигини мустаҳкамлаш мақсадида қилинган», — деди парламент қўмитаси вакили.

❕ Мудофаа бўйича келишув Америка қўшинларининг Финляндия бўйлаб ҳаракатланиши, шунингдек, мамлакатдаги 15 та ҳарбий объектга, жумладан, ҳарбий базаларга кириш имкониятини назарда тутади.