Хитой Қозоғистоннинг БРИКСга кириши бўйича қандай позицияда?

Хитой Қозоғистоннинг БРИКСга киришини қўллаб-қувватлайди. Бу ҳақда Хитой Халқ Республикаси Раиси Си Цзиньпин Қозоғистон Президенти Қасим-Жомарт Тоқаев билан бўлиб ўтган музокаралар якунлари бўйича матбуот анжуманида маълум қилди, дея ёзмоқда Казинформ.

“Хитой Қозоғистоннинг БРИКСга киришини қўллаб-қувватлайди. Қозоғистон дунёнинг ўрта давлатларидан бири сифатида қўллаб-қувватланади, унинг роли ортиб бораётган, жаҳон ишлари ва глобал бошқарувга муносиб ҳисса қўшиши мумкин”, – деди Хитой раҳбари.

Си Цзиньпин Хитой ва Қозоғистон Шанхай ҳамкорлик ташкилотини ташкил этиш жараёнининг бошида эканини таъкидлади.

“Қозоғистон раислигининг ШҲТ фаолиятини ривожлантириш ва ноёб ҳамкорликни рағбатлантиришга қўшган катта ҳиссасини алоҳида таъкидламоқчиман. Эртанги Астана саммити тўлиқ муваффақиятли ўтиши ва ташкилотимиз фаолиятини янги босқичга кўтаришига шубҳа йўқ”, – деди Хитой Халқ Республикаси Раиси.