Zelenskiy “Ramshtayn” aviabazasiga keldi

Vladimir Zelenskiy Ukraina mudofaasi bo‘yicha aloqa guruhi yig‘ilishida ishtirok etish uchun Germaniyadagi “Ramshtayn” aviabazasiga keldi.

Ukraina prezidenti butun dunyodan mudofaa vazirliklari rahbarlari va yuqori martabali harbiy xizmatchilarni birlashtiradigan yig‘ilishda sheriklarini havo hujumidan mudofaa tizimlari va boshqa ilgari va’da qilingan qurollarni ko‘proq yuborishga, shuningdek, Rossiya hududiga uzoq masofali zarbalar berishga ruxsat berishga chaqiradi.

Bundan tashqari, Zelenskiy Germaniya kansleri Olaf Shols bilan muzokaralar olib boradi, AQSh va Germaniya mudofaa vazirlari bilan uchrashadi.

“Ramshtayn”dan keyin Ukraina prezidenti Italiyadagi “Ambrozetti” xalqaro forumiga tashrif buyurib, u yerda mamlakat bosh vaziri Jorja Meloni va Italiya biznes vakillari bilan uchrashadi.