Ukrainaga qarshi urushda 68 mingdan ortiq rus askari halok bo‘ldi

Bu haqda BBC va “Mediazona” surishtiruvlarga asoslangan holda ma’lum qildi.

Jurnalistlar va ko‘ngillilar ochiq ma’lumotlarga asoslanib, frontda halok bo‘lgan 68 011 nafar rossiyalik harbiylarning ismlarini aniqlashga muvaffaq bo‘lishdi.

Joriy haftada ko‘ngillilar orasida jami qurbonlar soni 13152 kishiga yetdi – bu toifa birinchi marta jurnalistlar ro‘yxatida eng katta yo‘qotishlarga uchragan guruh bo‘ldi. Ilgari eng katta yo‘qotishlar mahbuslar orasida qayd etilgan edi. Endilikda urushda halok bo‘lgan har beshinchi odam ko‘ngillilardir.

2023 yil oktabr oyidan beri jurnalistlar ko‘ngillilar orasida har haftada kamifa 100 yoki undan ko‘proq yo‘qotishlarni qayd etdilar.