Ukraina poytaxtining barcha tumanlarida suv ta’minoti tiklandi
Ukraina poytaxtining barcha tumanlarida suv ta’minoti tiklandi, deb ma’lum qildi Kiyev meri Vitaliy Klichko.
Biroq uning aytishicha, suv ta’minoti tizimi to‘liq quvvat bilan ishlashi uchun biroz vaqt kerak bo‘ladi.
«Hozirgacha ba’zi iste’molchilar tizimdagi suv bosimining pasayishiga duch kelishlari mumkin. Ayniqsa, ko‘p qavatli uylarning yuqori qavatlarida yashovchi kiyevliklar», - dedi mer.
23 noyabr kuni Rossiyaning Kiyevdagi energetika ob’ektlariga uyushtirgan ommaviy zarbasidan so‘ng shaharda suv ta’minoti uzilgan, aksariyat hududlarda elektr energiyasi ham uzilgan.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)
