Toshkent shahar hokimligi kelgusida poytaxt hududini kengaytirish rejasini ma’lum qildi

Toshkent shahar hokimligi yaqin vaqt ichida poytaxt ma’muriy chegarasi kengaytirilishi rejalashtirilayotgani haqida ma’lumot berdi, deb yozadi UzNews.

Qayd etilishicha, Toshkent doimiy rivojlanib, yangi infratuzilma va ijtimoiy ob’ektlar paydo bo‘lmoqda, yangi turar joy massivlari va majmualari qurilmoqda, poytaxt aholisi ortib bormoqda.

«Aholi turmush sifatini yaxshilash, shahar qiyofasini zamonaviy talablarga javob beradigan arxitektura va shaharsozlikni yaratish, shuningdek, Toshkent viloyatining ayrim chegara tumanlari va shaharlari bilan yangi shahar ob’ektlari va yaqin aglomerasiya qurilishi tufayli Toshkent vaqti-vaqti bilan ma’muriy chegaralarni kengaytirish talab etiladi», — deyiladi xabarda.

Davlat statistika qo‘mitasi ma’lumotlariga ko‘ra, 2019 yil 1 oktyabr holatiga ko‘ra, Toshkent shahrining doimiy aholisi soni 2 554 900 kishini tashkil etdi. Kadastr bo‘linmasiga ko‘ra, shaharning umumiy maydoni 33 500 gektar yoki 334 km2.