Tojikistondagi "Sultoni Kabir" yonib ketdi (VIDEO)

Tojikistonda, Dushanbeda qurilish materiallari va maishiy texnika sotiladigan eng yirik bozor – "Sultoni Kabir"da yong‘in sodir bo‘ldi, deb xabar beradi "Avesta".

Gazetaning yozishicha, bozorning shinalar savdosi olib boriladigan qismi yongan. Dastlabki ma’lumotlarga ko‘ra, yong‘in maydoni 2 ming kvadrat metrni tashkil qiladi.

Voqea joyiga bir nechta o‘t o‘chirish brigadalari yetib bordi.

Bu Dushanbedagi "Sultoni Kabir" bozoridagi birinchi yong‘in yemas. 2018 yil iyun oyida bozor hududida joylashgan savdo markazida yong‘in sodir bo‘lgan edi.