Suriyalik qochqinlar isinish uchun kiyimlarini yoqyapti

Suriyaning shimoli-g‘arbidagi harbiy operasiyalar hamda hukumat kuchlari muxoliflar o‘rtasidagi to‘qnashuvlar oqibatida tinch aholining ahvoli tobora yomonlashmoqda. 

BMT ma’lumotiga qaraganda, to‘qnashuvlardan qochgan odamlar qishning qahraton sovug‘ida juda og‘ir ahvolga tushib qolgan. Ular isina olish uchun kiyimlarini va uylaridan olib kelgan buyumlarini yoqishga majbur bo‘lmoqda. 

O‘tgan yilning dekabridan beri Suriyaning shimoli-g‘arbini 900 ming kishi tarkt etgan va ularning uchdan ikki qismi 18 yoshdan kichik bolalardan iborat.  

Gumanitar tashkilotlar to‘qnashuvlarni zudlik bilan to‘xtatish kerakligi, aks holda bu qochqinlar sovuqdan va ochlikdan o‘lishi haqida bong uryapti. 

Manba: azon. uz