Sirdaryodagi test sinovlarida yoshi ulug‘ abituriyent ham borligi kuzatildi

Sirdaryo viloyatidagi test sinovlari Guliston shahridagi «Markaziy o‘yingoh» hamda Guliston shahar bolalar va o‘smirlar sport maktabi stadionlarida bo‘lib o‘tmoqda. Ushbu maskanlarda jami 49318 nafar abituriyent imtihon topshiradi. Viloyat hokimligi axborot xizmati taqdim etgan suratlarga ko‘ra, ular orasida talaba bo‘lish istagidagi yoshi ulug‘ kishi ham bor.

Ma’lumot uchun. Viloyatda test sinovlari 12 kun davom etadi. Har biri 30 nafarlik 67 ta abituriyentlar guruhi tuzilgan. Kuniga ikki mahallik test sinovlarida 4020 nafar abituriyent ana shunday guruhlarga bo‘lingan tartibda ishtirok etadi.