Rossiyalik xakerlar haqidagi ma’lumot uchun 10 million dollar beriladi

AQSh rossiyalik xakerlarni Ukraina va NATOni nishonga olganlikda ayblamoqda.

AQSh payshanba kuni Rossiya harbiy razvedka agentligining besh nafar a’zosiga qarshi ayblovlarni e’lon qildi.

AQSh Adliya vazirligi GRU nomi bilan tanilgan Rossiya agentligining besh nafar zobitini Ukraina va butun dunyo bo‘ylab fuqarolik kompyuter tizimlariga «buzg‘unchi» hujumlarda aybladi.

Besh ofiser, kompyuterga bosqinchilik qilish uchun til biriktirganlikda ayblanayotgan fuqaro bilan bir qatorda, «Ukraina hukumati bilan bog‘liq kompyuter tizimlariga kirish, ma’lumotlarni o‘g‘irlash, ulardan olingan ma’lumotlarni sizdirish va tizimni yo‘q qilish maqsadida fitna uyushtirishgan», deyiladi Adliya vazirligi bayonotida.

Ukraina hukumat tizimlari va ma’lumotlari, shuningdek, Ukrainani qo‘llab-quvvatlagan davlatlar, jumladan AQSh va NATOning 25 ta davlati nishonga olingan, dedi Adliya vazirligi.

AQSh ayblanuvchilar haqidagi ma’lumot uchun 10 million dollargacha (9 million yevro) mukofot va’da qilmoqda.