Pushkinni tanimaydigan o‘zbeklar: Mojaro sababchisi Kseniya Sobchak O‘zbekistonga keldi

O‘zbeklarni Pushkinni bilmaslikda ayblagan teleboshlovchi Kseniya Sobchak O‘zbekistonga tashrif buyurishdi. Hozirda teleboshlovchi Samarqand ko‘chalarida kezmoqda. Bu haqda u o‘zining Instagram sahifasida ma’lum qildi.

Sobchak Samarqanddagi jahonga mashhur va O‘rta Osiyo me’morchiligining noyob yodgorligi bo‘lgan Go‘ri Amir maqbarasini borib ko‘rgan.  Rossiyalik teleboshlovchi O‘zbekistonga nima maqsadda kelganini ma’lum qilganicha yo‘q. 

2017-yilda rossiyalik muxolifatchi Aleksey Navalniy "Dojd" telekanalida Kseniya Sobchak bilan suhbatida o‘zbekistonliklar Pushkinni tanimasliklarini iddao qilgan edi.

O‘zbekistonliklar esa o‘z navbatida ularning “O‘zbekistonda hech kim Pushkinni tanimaydi”, degan so‘zlariga munosib ravishda javob qaytarishgan.