Peres Mbappening xatiga javob qaytardi
«Real» prezidenti Florentino Peres «PSJ» hujumchisi Kilian Mbappening unga yo‘llagan xatiga javob yo‘lladi, deb xabar bermoqda «El Chiringuito» nashri.
Avvalroq, Mbappe Peresga Parijda qolishga qaror qilganini ma’lum qilib, «Real»da o‘ynash imkoniyatini bergani uchun minnatdorchilik bildirgandi.
«So‘nggi kunlarda yuz bergan voqealardan juda ham afsusdaman. Bolalik orzungni barbod qilishdi. Nima bo‘lgan taqdirda ham, senga eng yaxshisini tilayman», — deya Florentino Peresning so‘zlarini keltirmoqda ispan nashri.
Eslatib o‘tamiz, Fransiya milliy jamoasi hujumchisi parijliklar bilan 2025 yilga qadar mo‘ljallangan yangi shartnomaga imzo chekdi.
Matnda xatolik topsangiz, o‘sha xatoni belgilab, bizga jo‘nating (Ctrl + Enter)
