Jeyms Bond rolini ijro etgan aktyor Deniyel Kreyg Britaniya risari ordenini oldi

Asosan "agent 007" haqidagi filmlarda Jeyms Bond rolini ijro etgani uchun tomoshabinlar mehrini qozongan aktyor Deniyel Kreyg kino va teatr sohasidagi xizmatlari uchun Britaniyaning Avliyo Maykl va Jorj ordenining risari bo‘ldi. Bu haqda Buyuk Britaniya hukumati saytida chop etilgan hujjatda ma’lum qilingan.

O‘tgan yili Kreyg Buyuk Britaniya Qirollik dengiz floti faxriy qo‘mondoni unvonini ham oldi. Uning ekrandagi qahramoni Jeyms Bond ham xuddi shu darajada xizmat qilgan. Aktyor uni Buyuk Britaniya qurolli kuchlarini qo‘llab-quvvatlashga qo‘shgan shaxsiy hissasi uchun oldi.