Janubiy Koreya o‘zining ilk raketasini kosmosga uchirdi

Janubiy Koreya o‘zining ilk yuk tashuvchi raketasi – "Nuri"ni kosmosga uchirdi. Bu mamlakat poytaxti Seuldan 470 km janubda, Cholla-Namdo viloyatidagi Naro kosmodromidan amalga oshirildi.

Umumiy og‘irligi 200 tonnani tashkil etgan yuk tashuvchi raketa ustida 2010 yildan buyon ish olib borilgan va uni yaratishga 2 trillion von (1,79 milliard AQSh dollari) sarflangan.

Raketa bortiga yer sathidan 600–800 kilometr masofaga olib chiqilishi mo‘ljallangan foydali yuk maketi joylashtirilgan. Konstruksiyaning og‘irligi 1,5 tonnani tashkil qiladi.