Ichki bozorni shakar bilan ta’minlash uchun zaxiralar yetarli – mutaxassis

Bu haqda Monopoliyaga qarshi kurashish qo‘mitasi axborot xizmati rahbari Olimjon Hasanov Sputnik muxbiriga ma’lum qildi.

Mahalliy ishlab chiqaruvchilarda shu yilning dekabr oyi boshida amaldagi barqaror narxlarda shakar yetkazib berish uchun yetarli bo‘lgan 300 ming tonnadan ortiq shakar xomashyosi zaxirasi mavjud.

Mazkur zaxira kelgusi davrdagi shartnomalarni inobatga olgan holda 2023 yilda ham ichki bozorni shakar mahsuloti bilan barqaror ta’minlash uchun yetarli hisoblanadi.

Bugungi kunda respublikada yillik ishlab chiqarish quvvati 690-720 ming tonna bo‘lgan ikkita shakar zavodi shakar ishlab chiqarmoqda.