Finlyandiya rossiyaliklardan gumanitar vizalar uchun arizalarni qabul qiladi

Finlyandiyaning Moskvadagi elchixonasi Finlyandiya viza olish markazlari Rossiya fuqarolaridan gumanitar vizalar uchun arizalarni qabul qilishini ma’lum qildi. Bu haqda “TASS” xabar bermoqda.

Diplomatik missiya Finlyandiya rossiyaliklarning viza arizalarini qabul qilishni keskin cheklashini aytdi.

“Qaror prinsipial jihatdan insonparvarlik, milliy manfaatlarni ta’minlash yoki xalqaro majburiyatlarni bajarish uchun zarur bo‘lgan sayohatlarga to‘sqinlik qilmaydi”, — deyiladi elchixona xabarida.

Avvalroq Finlyandiya hukumati 30 sentyabr, juma kunidan boshlab rossiyalik sayyohlar uchun chegarani yopishni ma’qullagani xabar qilingandi.