Buyuk Britaniyada maymun chechagi bilan kasallanganlar soni ortib bormoqda
Buyuk Britaniya sog‘liqni saqlash agentligi (UKHSA) bayonotida aytilishicha, Buyuk Britaniyada maymun chechagi bilan kasallanganlar soni 71 nafarga yetdi.
Agentlik ma’lumotlariga ko‘ra, Angliyada maymun chechagining qo‘shimcha 14 holati aniqlangan.
"Bu bilan Angliyada 7-maydan buyon tasdiqlangan holatlarning umumiy soni 23-may holatiga ko‘ra 70 taga yetdi. Shotlandiya jamoat salomatligi dushanba kuni bitta maymun chechagi kasalligi aniqlanganligini tasdiqladi va bu Buyuk Britaniyada aniqlangan holatlarning umumiy sonini 71 taga yetkazdi" - deyiladi vazirlik bayonotida.
Shu bilan birga, 23-may holatiga ko‘ra, hozircha Uels yoki Shimoliy Irlandiyada kasallik holatlari aniqlanmagan.
Yangi holatlar aniqlanganiga qaramay, Buyuk Britaniya aholisi uchun xavf pastligicha qolmoqda, dedi UKHSA.
