Bo‘stonliqda noqonuniy «Baliqchilik» tashkil qilingani aniqlandi

Kadastr agentligining Toshkent viloyati boshqarmasi tomonidan olib borilgan nazorat tadbirlari davomida «G‘.D.P.» fermer xo‘jaligi tomonidan Bo‘stonliq tumani hokimining tegishli qaroriga asosan tumanning «Pargos» massividagi davlat zaxira yerlari tarkibidan «G‘alla-sabzavot-bog‘dorchilik» yo‘nalishida ijara huquqi asosida o‘ziga ajratib berilgan 24,7 gektar yer maydonining 2,44 gektar tutzor qismida sun’iy «Baliqchilik» tashkil qilinganligi aniqlandi.

⚠️Fermer xo‘jaligi tomonidan «Baliqchilik» tashkil qilinganligi natijasida qishloq xo‘jaligida foydalaniladigan yer maydoni noqishloq xo‘jaligi toifasiga o‘tib ketishiga sabab bo‘lgan.

✔️Holat yuzasidan Kadastr agentligi viloyat boshqarmasi tomonidan to‘plangan materiallar Qo‘shma tartib asosida prokuratura organlariga yuborilishi ta’minlandi.