“Barselona” prezidenti: "Menga "Real" rahbariyati o‘ynayotgan o‘yin yoqmayapti"

Kataloniyaning “Barselona” klubi prezidenti Joan Laporta “Real” rahbari Florentino Peres bilan munosabati haqida gapirdi.

"Hozirda Madrid bilan yaxshi munosabatlarimiz yo‘q. Peres Negreyra ishida ishtirok etgan va hech qanday dalil bo‘lmasa-da, tergovni uzaytirishni so‘ragan. Ular hech narsa topa olmaydi, chunki bu bizning aybimiz emas. "Real Madrid" mutasaddilari bu ishni faol davom ettirmoqchi. Menga ular o‘ynayotgan o‘yin yoqmayapti", - dedi kataloniyaliklar rahbari.

Ispaniya chempionatining 29-turidan so‘ng “Barselona” 64 ochko jamg‘arib, turnir jadvalida ikkinchi o‘rinni egallab turibdi. "Real Madrid" 72 ochko bilan birinchi o‘rinda bormoqda.