AQSh Maxfiy xizmati Tramp jinoiy ishlardan biri bo‘yicha qamoqqa olinishi ssenariysi ustida ishlamoqda

Hozirgi va sobiq prezidentlarni himoya qiluvchi AQSh Maxfiy xizmati Tramp jinoiy ishlardan biri bo‘yicha qamoqqa olinishi ssenariysi ustida ishlamoqda.

Bu haqda ABC va The New York Times nashrlari bir qator manbalarga tayanib xabar bermoqda.

Manbalarning so‘zlariga ko‘ra, agar sobiq prezident qamalsa, bu jiddiy muammoga aylanadi va xavfsizlik xizmati uchun jiddiy xavf tug‘diradi.

Shuningdek, xavfsizlik nuqtai nazaridan Tramp boshqa mahbuslardan alohida saqlanishi, oziq-ovqatlari va shaxsiy buyumlari ham tekshirilishi, 24/7 rejimda kuzatilishi kerak bo‘ladi.