"Andijon" yangi transferni e’lon qildi
“Andijon” klubi yozgi seleksiyadagi ikkinchi transferini amalga oshirdi. Yaqinda jamoa yig‘iniga qo‘shilgan qozog‘istonlik 19 yoshli iqtidor egasi - Abinur Nurimbet bilan bugun rasman shartnoma imzolandi. Endi u to‘laqonli ravishda "Andijon" klubining yangi a’zosiga aylandi.
Ma’lumot uchun:
Abinur Nurimbet
Tug‘ilgan sanasi: 26.04.2005
Ampulasi: hujumkor yarim himoyachi
To‘p surgan jamoalari: “Taraz” U19 (Qozog‘iston), “Ulitau” (Qozog‘iston), “Energetik-BGU” (Belarus), “Gomel” (Belarus).
Shuningdek, Nurimbet Qozog‘iston U17, U18 terma jamoalarida o‘ynadi. Hozirda u Qozog‘iston U19 va U21 terma jamoalarining a’zosi sanaladi.
O‘tgan vaqt mobaynida Abinur “Gomel” tarkibida Belarus chempionatida 10 ta uchrashuvida maydonga tushdi va 1 ta gol muallifiga aylandi. Hozirda ushbu o‘yinchi qozoq futbolining bo‘lajak yulduzlaridan biri sifatida e’tirof etilmoqda.
"Andijon" matbuot xizmati.
