Ukrainalik uchuvchilar Ruminiyada F-16 samolyotlarida mashg‘ulotlarni boshladi

Ruminiya Mudofaa vazirligining ma’lum qilishicha, ukrainalik uchuvchilarning birinchi guruhi shu hafta Ruminiya mintaqaviy markazida F-16 qiruvchi samolyotlarini tayyorlashni boshladi.

Ruminiya 2023 yil noyabrida Fetesti aviabazasida F-16 o‘quv markazini ochdi va u yerda ukrainaliklarni ham o‘qitishga va’da berdi.

Dastlabki to‘rt nafar ukrainalik uchuvchi shu hafta boshida yetib keldi va nazariy mashg‘ulotlarni boshladi, dedi Ruminiya Mudofaa vazirligi matbuot kotibi Konstantin Spinu. «Amaliy mashg‘ulotlar »yil oxiriga kelib« boshlanishi mumkin», deya qo‘shimcha qildi u.

Ukraina Mudofaa vaziri Rustem Umerov ijtimoiy tarmoqlarda dasturni olqishlab, bu «Ukraina osmonida ko‘proq F-16»ni ta’minlashini aytdi.

Avgust oyi boshida Zelenskiy Ukrainaning ichki operasiyalari uchun F-16 samolyotlari uchishni boshlaganini e’lon qildi , bu esa Rossiyaning keng ko‘lamli bosqinidan qariyb ikki yarim yil o‘tib AQShda ishlab chiqarilgan qiruvchi samolyotlarning uzoq kutilgan kelishini tasdiqladi.