Afrikada aholini koronavirusga qarshi emlash o‘rniga suv sepib, pul talab qilishmoqda

Keniyadagi shifokorlar mahalliy aholiga koronavirusga qarshi emlash o‘rniga suv sepib, buning uchun pul talab qilishdi. Bu haqda Vice nashri xabar bermoqda.

Aniqlik kiritilishicha, Afrika mamlakati aholisi AstraZeneca vaksinasi bilan bepul emlanish huquqiga ega. Emlashlar hukumat tomonidan akkreditasiyadan o‘tgan maxsus tibbiyot markazlarida o‘tkaziladi. Ammo, dori tanqisligi fonida ba’zi shifokorlar keniyaliklarga pulga emlashni taklif qila boshladilar, keyin esa uning o‘rniga suv quyishdi.

Sog‘liqni saqlash vaziri fuqarolarni emlash uchun pul to‘lamaslikka va bepul dori vositasini kutishga chaqirdi. Rasmiyning so‘zlariga ko‘ra, rasmiylar allaqachon bunday firibgarlik holatlarini tekshirishni boshlagan va jinoiy ish qo‘zg‘agan.